Aqtaýda karate-dodan Ortalyq Azııa chempıonaty ótip jatyr

AQTAÝ. QazAqparat - «Mańǵystaý Arena» sport kesheninde karate-dodan VII Ortalyq Azııa chempıonaty ótýde, dep habarlaıdy QazAqparat tilshisi.

Atalǵan chempıonatqa Qazaqstan, Qyrǵyzstan, Tájikstan, Ózbekstan, Túrikmenstan, Iran, Aýǵanstan memleketterinen 300-ge jýyq sportshy qatysýda. Kadet, ıýnıor jáne eresekter arasynda ótip jatqan baıqaý jeńimpazdaryna kýboktar men medalder tapsyrylady.

«Jarys óte qyzyq ótýde. Barlyq komandalar myqty. Túrikmenstannan 18 sportshy keldik. Barlyǵy da saqadaı saı. Jarys bastalǵaly 14 medal alyp úlgerdik. Áli de kútemiz»,-deıdi Túrikmenstan komandasynyń kapıtany ıAzmedov Esenbaı.

Aıta ketsek, jarys keshe bastalǵan edi.