Aqtaýda karantın tártibin buzǵan jaǵajaı basshylyǵy jaýapkershilikke tartyldy

AQTAÝ. QazAqparat – Karantın sharalaryn saqtalýyna monıtorıng júrgizetin mobıldi top kezekti reıd ótkizdi. Oblys ortalyǵyndaǵy jaǵajaılardyń biriniń basshylyǵyna ákimshilik quqyq buzýshylyq týraly hattama jasalyp, 115 aılyq eseptik kórsetkish mólsherinde aıyppul salyndy, dep habarlaıdy QazAqparat lada.kz saıtyna silteme jasap.

Mańǵystaý oblystyq Taýarlar men qyzmetterdiń sapasy men qaýipsizdigin baqylaý departamentiniń habarlaýynsha, mobıldi top «Dostar», «Stıgl», «Sanset», «Saıa» demalys bazalarynda reıdter júrgizdi.

«Dostar» qonaq úı kesheni men jaǵajaıda karantın rejımniń buzylýy anyqtaldy. Munda áleýmettik qashyqtyq, maskalyq jáne dezınfektsııalyq rejım saqtalmaǵan, sondaı-aq basseınniń jumys isteýi toqtatylmaǵan. Aqyly jaǵajaı basshysy osyndaǵy demalýshylar sanynyń sáıkestigin, adamdardyń 2 metr radıýsta araqashyqtyqta bolýyn baqylaýy tıis. Departament mamandary kásipkerlerge barlyq karantındik sharalardy saqtaıdy degen úmitpen aqyly jaǵajaılarǵa jumys isteýge ruqsat bergen edi», - dep atap ótti departamenttiń baspasóz qyzmetinde.

Mobıldik toptyyń jumysy jalǵasýda, zań buzýshylyqtar qaıta anyqtalǵan jaǵdaıda materıaldar sot ınstantsııalaryna jiberiledi. Aqtaý qalasynyń ákimdigi jaǵalaý aımaǵynda jumys isteıtin jaǵajaılar men demalys bazalaryndaǵy jaǵdaı týraly habardar etip, eskertý jasady.

Baspasóz qyzmetiniń habarlaýynsha, aımaq turǵyndary 8 747 654 0459 WhatsApp nómirine karantın buzýshylar týraly habarlaı alady.