Aqtaýda qara betperde kıgen tórteý jergilikti turǵynnyń úıine qarýmen kirip keldi
ASTANA. QazAqparat - Aqtaýda jeke sektordaǵy turǵyn úıge qaraqshylyq shabýyl jasaldy. Sómkelerin aqshaǵa, zattarǵa toltyrǵan qylmyskerler oqıǵa ornynan boı tasalaǵan.
Quqyq qorǵaý organdaryndaǵy derekóz habarlaǵandaı, oqıǵa 10 jeltoqsanda saǵat 05:00- saǵatta bolǵan. «Shyǵys-2» shaǵynaýdanynda turǵyn úıge qara bet berde kıgen tórt belgisiz adam basa kókteı kirgen. Olardyń birinde qarý bolǵan, dep habarlaıdy lada.kz
Úı ıesin óltiremin dep qorqytqan qylmyskerler barlyq baǵaly zatty sómkege salyp berýdi talap etken. Olar 14 100 AQSh dollaryn, 244 myń teńgeni qoldy etken. Onyń ishinde eki qundyz ton men altyn buıymdar, uıaly telefon da bar.
Polıtsııaǵa 37 jastaǵy áıel júgingen. Materıaldyq shyǵyn anyqtalýda.
Oqıǵa faktisi boıynsha jedel izdestirý sharalary júrgizilýde. Foto ren.tv
