Aqtaýda kámelettik jasqa tolmaǵan qyzdy zorlaǵan kúdikti ustaldy
ASTANA. QazAqparat - Aqtaý turǵyny kámelettik jasqa tolmaǵan qyzdy zorlady degen kúdikpen qamaýǵa alyndy, dep jazady Lada.kz.
Oqıǵa 5 tamyzda bolǵan. Saıajaı qyzmetkerleriniń sózine qaraǵanda, qyz bala tańerteń 5A-shaǵyn aýdan jaǵalaýynda júgirýge shyǵady. Onyń sońynan bir er adam ilesken. Keıin qyzdy demalýshylar taýyp alǵan kezde ol es-tússiz bolǵan.
Osy iske qatysty er adamdy Aqtaý polıtsııasy qamaýǵa aldy.
«Kúdiktige QR QK 121-baby 3-bóligi boıynsha (kámelettik jasqa tolmaǵanǵa seksýaldyq sıpatta kúsh kórsetý) sotqa deıingi tergeý bastaldy. Sot-medıtsınalyq saraptama taǵaıyndaldy. Kúdikti Aqtaý qalasyndaǵy ýaqytsha oqshaýlaý bólimine qamaldy», - dedi Mańǵystaý oblysy ІІD baspasóz qyzmeti.
