Aqtaýda qalanyń 55 jyldyǵyna oraı kórme ashyldy
AQTÓBE. QazAqparat - Saltanatty jıyn Mańǵystaý oblysynyń ákimi Eraly Tuǵjanovtyń qatysýymen Abaı atyndaǵy Mádenıet úıinde boldy, dep habarlaıdy QazAqparat tumba.kz saıtyna silteme jasap.
Úlken zalǵa kirmes buryn qala turǵyndarynyń nazaryna tarıhı qujattardan jasalǵan kishigirim kórme usynyldy. Olar oblystyń jáne Qazaqstant Respýblıkasy Prezıdentiniń muraǵatynan alynǵan. Janynda kartınalarynda týǵan qalalaryn beınelegen jergilikti sýretshilerdiń týyndylarynan fotokórme ornalasty.
«Mańǵystaý Soltústik-Ońtústik halyqaralyq dáliziniń mańyzdy quramdas bóligine aınalǵan Qazaqstan-Túrikmenstan-Iran baǵyty boıynsha temirjol jelisi ornatylǵan kólik-logıstıkalyq ortalyqqa jáne Batys Qytaı-Batys Eýropa baǵyty boıynsha qurlyqtyq tikeleı júk kóliktik tasymaldy oryndaýǵa arnalǵan paromdyq maqsattaǵy Aqtaý jáne Qoryq teńiz porttary arqyly ornaıtyn mańyzdy baılanys jolyna aınaldy. Bıyl Kaspıı mańy elderiniń basshylary sammıtinde Kaspıı teńiziniń quqyqtyq mártebesin bekitý týraly tarıhı qujatqa qol qoıyldy. Osynyń arqasynda Aqtaý jańa mártebege ıe bolyp, saıası arenadaǵy ornyn tapty», - dedi Mańǵystaý oblysy ákimi Eraly Tuǵjanov.
Dál osy sharada Aqtaý qalasynyń ákimi Ǵalymjan Nııazov óńirdiń 13 turǵynyn «Aqtaý qalasynyń qurmetti azamaty» tósbelgilerimen marapattady.
Eske salaıyq, atalmysh sheshim qalalyq máslıhattyń 19-shy sessııasy men turaqty komıssııalardyń keńeıtilgen otyrysynda qabyldanǵan edi.
Saltanatty bólimi Qazaqstan estrada juldyzdarynyń qatysýymen jalǵasty.
