Aqtaýda qala kúnine oraı kemeler sherýi ótti

AQTAÝ. QazAqparat - Aqtaýda qala kúnine oraı Kaspıı teńizinde kemeler sherýi ótti, dep habarlaıdy QazAqparat tilshisi.

«Qala kúnine oraı Qarýly kúshter Ulttyq áskerı-patrıottyq ortalyǵynyń birqatar sharasy josparlanǵan. Solardyń biri – teńizdegi kemeler sherýi. «Mańǵystaý», «Oral», «Saryarqa», «Qazaqstan» Áskerı-teńiz kúshteri korablderi, «Jaıyq» gıdrografııalyq kemesi, «Alataý» mına-traldyq korabli, sondaı-aq Ulttyq qaýipsizdik komıteti Shekara qyzmetiniń bes korabli men kateri qatysqan sherý ótti», - dep málim etti QR Qarýly kúshteriniń baspasóz qyzmetinen.

Sondaı-aq Qarýly kúshter Ulttyq áskerı-patrıottyq ortalyǵynyń áskerı orkestri jáne ansambli qala turǵyndary úshin otan qorǵaýshylarǵa arnalǵan patrıottyq kontsert uıymdastyrdy. Saptyq daıarlyq elementterin jáne qarýmen defıle kórsetken «Qurmet» qaraýyl rotasynyń óneri kórermenderdi tánti qyldy.