Aqtaýda ıtbalyqty urǵandarǵa qatysty is toqtatyldy
Departament baspasóz qyzmetiniń málimetinshe, qylmystyń quramy bolmaýynan ókiletti organ osyndaı sheshimge kelip otyr.
«Itbalyqty taıaqpen urǵandarǵa qatysty qozǵalǵan tergeý QR qylmystyq-protsessýaldyq Kodekstiń 35-shi babynyń 1-shi bólimine sáıkes toqtatyldy. Teńiz janýaryna jábir kórsetkender keltirgen dáıek esepke alynyp, qylmys quramynyń bolmaýyna oraı sotqa deıin júrgizilgen is jabyldy», - dedi Polıtsııa departamenti Іshki jáne syrtqy kommýnıkatsııalar bólimi basshysynyń m.a. Áıgerim Ibadýllaeva.
Esterińizge sala keteıik, ótken shilde aıynda Quryq eldi mekeninde jaǵalaýǵa jaqyn júzgen ıtbalyqqa birneshe adam tas laqtyryp, taıaqpen sabap tastaǵan edi. Teńiz janýaryn urǵandardyń arasynda balalar da boldy. Áýesqoı túsirilim kóp uzamaı áleýmettik jelide jarııalandy. Ony zerttegen tártip saqshylary tórt kúdiktini ustady. Olar ózine shabýyl jasaýy múmkin degen oımen ıtbalyqty teńizge qýyp tastaǵandaryn aıtyp aqtalǵan.