Aqtaýda ishimdik ishken júrgizýshi qozǵalyssyz turǵan 6 kólikti soqty

NUR-SULTAN. QazAqparat – Aqtaý qalasynda alkogoldi ishimdik ishken júrgizýshi iri jol apatyna sebepshi boldy, dep habarlaıdy QazAqparat Polisia.kz saıtyna silteme jasap.

Oqıǵa 1 qyrkúıekte saǵat 1:30 shamasynda qalanyń 19-shaǵyn aýdanyndaǵy 35-úıge qarama qarsy jolda bolǵan. Toyota Camry júrgizýshisi ishkilikti kúıde búıirlik qashyqtyqty saqtamaı, úıdiń aldynda turǵan Toyota Prado, Nissan Tiida, Kia Optima avtokólikterine soqtyǵysqan .

Budan keıin ol avtomobıl jolyna shyǵyp, qozǵalyssyz turǵan Honda Odyssey kóligimen qaqtyǵysady.

Munan soń da kedergi týyndaǵanyn eskermeı, jyldamdyǵyn tómendetpeı Toyota Land Cruiser jáne ınertsııamen Toyota Camry avtokólikterimen soqtyǵysqan.

Toyota Camry avtokóliginiń ıesine QR ÁQBtK-tiń 608-baby 6-bóligi boıynsha ákimshilik hattama toltyryldy. Júrgizýshi qalalyq ákimshilik sottyń sheshimi boıynsha 20 táýlikke Aqtaý qalasy polıtsııa basqarmasynyń arnaıy qabyldaǵyshyna jabyldy.

Foto: polisia.kz