Aqtaýda Iran azamatyn 16 jylǵa sottady
ASTANA. QazAqparat - Іri kólemde esirtki tasymaldaǵan Iran azamatyna qatysty úkimdi Mańǵystaý oblystyq qylmystyq ister jónindegi aýdanaralyq sotynyń tóraǵasy Azat Іzbasarov shyǵardy, dep habarlaıdy lada.kz.
Іstiń materıaldary boıynsha, Iran turǵyny Qazaqstan shekarasynan ótip, Aqtaý teńiz portyna kelgen. Ol iri kólemde esirtki, naqtyraq aıtqanda gashısh tasymaldaǵan. Esirtki zatynyń mólsheri 348,22 gramm. Sheteldik taýardy óziniń tanysyna - Qazaqstan azamatyna ótkizbek bolǵan. Ol kontrabandalyq taýardy QR shekara baqylaýynan jasyrmaq bolǵan.
Sot úkimimen Iran azamaty kináli dep tanylyp, oǵan 16 jylǵa bas bostandyǵynan aıyrý jazasy kesildi. Esirtkini satyp alýshy 3 jylǵa bas bostandyǵynan aıyryldy. Azat Іzbasarovtyń aıtýynsha, atalǵan is boıynsha qylmystyq protses Mańǵystaý oblystyq kólik prokýratýrasymen birge júrgizildi.
Sot májilisinde «Aqtaý teńiz porty» JShS-niń qyzmetkerleri qatysty. Úkim jarııalanǵan soń Azat Іzbasarov ilki joba aıasynda úkimge túsinikteme berip, kásiporyn ókilderimen profılaktıkalyq áńgime júrgizdi. Ol asa aýyr qylmys jasaýǵa negiz bolyp otyrǵan jáıtter týraly aıtty.
