Aqtaýda hımııalyq zaýyttyń qurylysy bastaldy
Mańǵystaý oblysynyń ákimi Serikbaı Trumov «Aqtaý - teńiz saýda porty» arnaıy ekonomıkalyq aımaǵynda munaı óndirisinde paıdalanatyn hımııalyq qospalardy shyǵaratyn zaýyt qurylysymen tanysty. Ónerkásip qurylysyn «Topan Chemical Industries» kompanııasy jeke ınvestorlardyń qarajaty esebinen júrgizedi. Búginde joba memlekettik saraptamadan ótip, barlyq ruqsat qujattaryn alǵan.
Aımaq basshysy jumystyń alǵyshqy kezeńimen tanysyp, merdigerge qurylystyń sapasyna basa nazar aýdaryp, merziminde aıaqtaýdy tapsyrdy.
«Topan Chemical Industries» JShS dırektory Ǵaısa Jumalıevtiń aıtýynsha, tehnıkalyq jabdyqtar jetkizetin ıtalıandyq kompanııaǵa aldyn ala tólem jasalynyp qoıǵan. Sonymen qatar, qurylys-montajdaý jumystaryn júrgizetin qazaqstandyq kompanııamen kelisimshartqa otyrǵan.
Negizgi óndiristik ǵımarattardyń qurylysyn 2022 jyldyń 1 toqsanynda aıaqtaý josparlanǵan. Al 2022 jyldyń sońyna qaraı kompanııa tehnıkalyq jabdyqtardy ornatyp, hımııa zaýytynyń birinshi kezegin iske qosýdy kózdep otyr.
Qurylystyń eki kezeńi tolyq aıaqtalǵannan keıin zaýyt jylyna 15 mlrd teńgege ónim shyǵaratyn bolady. Jańadan 120 turaqty jumys orny ashylady.
Atalǵan kásiporyn shetelden ákelinetin hımııalyq ónimderdiń ımportyn aıtarlyqtaı tómendetýge múmkindik beredi jáne qazaqstandyq óndiristerdi hımııalyq ónimderimen tolyqtaı qamtamasyz etedi.
