Aqtaýda hımııalyq zaýyt salynady
AQTAÝ. QazAqparat - 2020 jyly Aqtaýda hımııalyq zaýyt iske qosylady, dep habarlaıdy QazAqparat tilshisi.
Zaýytty «Topan Chemical Industries» JShS salady. Seriktestik basshysy Ǵaısa Jumalıevtiń aıtýynsha, jańa nysan kaýstıkalyq soda men quramynda hlor ónimderi bar zattar shyǵarady. Joba quny - 70 mln AQSh dollary.
Zaýyt «Aqtaý - teńiz saýda porty» arnaıy ekonomıkalyq aımaǵynda boı kóteredi dep josparlanǵan. Onyń iske qosylýymen 120 jańa jumys orny ashylatyny kútilýde. Kompanııanyń basty mindeti - ekologııalyq talaptardyń oryndalýy. Aıta ketý kerek, zaýytta qoldanylatyn membranalyq elektrolız tehnologııasy búginde eń ozyq jáne ekologııalyq taza óndiris ádisi bolyp tabylady. Nysan 2020 jyly iske qosylmaq.
«Bul óndiristi ashqannan keıin munaı-gaz kompanııalaryna, taý-ken ónerkásibi kompanııalaryna qajetti hımııalyq ónimder - kaýstıkalyq soda, tuz qyshqyly, kaltsıı hlorıdi jáne natrıı gıpohlorıtin bere alamyz. Bul bizdiń ónerkásibimizde belsendi qoldanylatyn ónim. Qazirgi kezde bul ónimderdi kórshi elderden - Qytaıdan, Reseıden ımporttap jatyrmyz. Bul ónimdi lokalızatsııalaýdy jáne ózimizde óndirýdi qalaımyz»,-deıdi Ǵaısa Jumalıev.
