Aqtaýda HІІ jazǵy ýnıversıada bastaldy
Aqtaýda alǵash ret uıymdastyrylyp jatqan ýnıversıadaǵa qatysýshylar 17 sport túrinen ózara básekege túsedi. Sporttyq saıystar aldynda mandattyq komıssııa turaqty jumysyn júrgizedi. Ár oıynnyń ashylý saltanaty ótip, saıys túrleri aıaqtalysymen, aqparattyq ashyqtyq maqsatynda BAQ ókilderi úshin arnaıy brıfıng uıymdastyrylady.
Al, HІІ jazǵy ýnıversıadanyń saltanatty ashylý is-sharasy 5 maýsym kúni «Mańǵystaý-arena» sport kesheninde ótedi. Aýqymdy sport dodasynyń ashylý sharasyna 20 myńnan astam stýdent jınalmaq.
Bul jolǵy ýnıversıadanyń basty ereksheligi - san alýan sport túrlerinen saıystar bir óńir aýmaǵynda ǵana ótedi.
«HІІ jazǵy ýnıversıada oıyndarynda birinshi oryn alǵan sportshylar 28 shilde men 8 tamyz aralyǵynda Qytaıdyń Chendý qalasyna ótetin dúnıejúzilik ýnıversıadaǵa joldama alady. Chendý qalasyna baratyndar ústel tennısi, dzıýdo, júzý, taekvondo jáne jeńil atletıka syndy sport túrleri boıynsha irikteledi», - dedi QR Oqý-aǵartý mınıstrligi Sporttyq is-sharalar, statıstıka jáne taldaý basqarmasynyń basshysy Mıra Muhamadıeva.
Tennısshiler tartysty oıyndarymen ýnıversıada jarysyn birinshi bastady. Saıysqa 16 erler komandasynan 48 sportshy, áıelder arasynda 15 komandadan 45 sportshy qatysyp jatyr. Ústel tennısiniń qorytyndysy 29 maýsymda belgili bolady.
