Aqtaýda halyqaralyq ınvestorlar aptalyǵy ótti
Atalmysh shara tutynýshylardyń suranysyn arttyrý, naryqta tıimdi ádisterdi paıdalaný, ınvestıtsııa saýattylyǵy jáne «Astana» qarjy ortalyǵyndaǵy bıznesti júrgizý sharttary týraly aqparatpen qamtamasyz etýdi maqsat etip otyr. Shara bıyl Qazaqstannyń 6 qalasynda uıymdastyryldy.
Aqtaýdaǵy aptalyqqa «Astana» qarjy ortalyǵynan arnaıy kelgen ókilder, 50-den astam jergilikti kásipkerler, jastar, Mańǵystaý oblysy ákimdiginiń ındýstrıaldy-ınnovatsııalyq damý basqarmasynyń mamandary, aımaq basshysynyń orynbasary N. Qılybaev qatysty.
Sarapshy mamandar basqosýda túrli taqyrypta lektsııalar oqydy. Atap aıtsaq, «AHQO-na qalaı múshe bolýǵa bolady», «Bıznes júrgizýdiń erekshelikteri», «Islamdyq qarjylandyrýdyń bolashaǵy men múmkindikteri» t.b.
Mamandardyń aıtýynsha, óz isin damytyp, odan ári mol tabysqa jetý úshin kásipker men ınvestor arasynda durys kópir qurylý qajet.
«Búgingi Mańǵystaý oblysyndaǵy kásipkerlermen kezdesý – halyqaralyq ınvestorlar aptalyǵymen oraılastyryldy. Kásipkerlerge ózderiniń salasy boıynsha, onyń ishinde jasyl qarjylandyrý, ıslamdyq qarjylandyrý ádisteri úıretildi. Árqaısysy qyzyqtyrǵan suraqtaryna jaýaptaryn aldy. »Astana« halyqaralyq qarjy ortalyǵy úlken jetistikke jetti. Byltyr ashylǵan kezinde dúnıe júzindegi 102 qarjy ortalyǵynyń arasynda reıtıng boıynsha 88-orynda boldy, bıyl 51-shi orynǵa kóterildi. Bul da memleket tarapynan jasalynǵan úlken saıası sheshimder nátıjesi»,-dedi «Astana» halyqaralyq qarjy ortalyǵy ákimshiligi basqarma tóraǵasynyń keńesshisi Bolatbek Qýandyqov.
Bolatbek Qýandyqovtyń aıtýynsha, bıyl Mańǵystaý oblysy men «Astana» halyqaralyq qarjy ortalyǵymen áriptestik jónindegi memorandýmǵa qol qoıylǵan. Sonyń nátıjesinde oblysqa ınvestorlar tartyp, tikeleı qarjy kózderine qol jetkizý kózdelip otyr. Aıta keteıik, qazirgi ýaqytta Mańǵystaý oblysynda 840 sheteldik kompanııa jumys isteıdi. Keler 2020 jyly 119 mlrd teńgege 11 jobany iske qosý josparlanǵan. Nátıjesinde 1500-1700-deı jańa jumys oryndaryn ashý kózdelip otyr.
«Mańǵystaýlyq kompanııalar »Astana« qarjy ortalyǵyna kirý úshin qoıylǵan talaptardy oryndaý qajet,-deıdi sarapshylar.
Tıimdiligi sol, shetel kompanııalarmen jumys istegen keznde sotqa júginetin jaǵdaı bolsa ne túsinbeýshilik týyndaǵan kezinde AHQO-nyń ózindik halyqaralyq sot júıesine júgine alady.