Aqtaýda gazdy porshendi elektr stantsııasy iske qosyldy
ALMATY. QazAqparat - Qazaqstan Táýelsizdiginiń 25 jyldyǵy qarsańynda «QazAzot» JShS-de gazdy porshendi elektr stantsııasy iske qosyldy. 13 jeltoqsanda ótken saltanatty rásimge QR Din isteri jáne azamattyq qoǵam mınıstri Nurlan Ermekbaev pen Mańǵystaý oblysynyń ákimi Alık Aıdarbaev qatysty, dep habarlaıdy QazAqparat Mańǵystaý oblysy ákiminiń baspasóz qyzmetine silteme jasaı otyryp.
«2015 jyly 2015-2019 jyldarǵa arnalǵan ındýstrıaldy-ınnovatsııalyq damý baǵdarlamasynyń aıasynda Indýstrııalandyrý kartasyna tehnologııalardy jańǵyrtý boıynsha «QazAzot» JShS jobasy kirgen bolatyn. Ol 3 kezeńnen turady, sonyń biri - gazdy porshendi elektr stantsııasyn iske qosý. Aımaq úshin bul - jańa jumys oryndarynyń ashylýy, ekonomıkany ártaraptandyrý, ındýstrııalandyrý men oblystyń eksportty áleýetin damytý bolyp tabylady. Elimizdiń ındýstrııalandyrý baǵdarlamasy men otandyq taýarlardy syrtqy naryqqa shyǵarýǵa aıtýly úles qosqandaryńyz úshin «QazAzot» kásipornynyń ujymyna zor alǵysymdy bildiremin», - dedi Mańǵystaý oblysynyń ákimi Alık Aıdarbaev.
«QazAzot» JShS - Qazaqstan Respýblıkasyndaǵy azotty mıneraldy tyńaıtqyshtardyń 90%-yn óndiretin iri kásiporyn. 2012-2014 jyldary údemeli ındýstrıaldy-ınnovatsııalyq damýdyń memlekettik baǵdarlamasy aıasynda kásiporynmen tsehtardy jańartý jumystary júrgizildi. «Shaǵyrly-Shómishti» gaz óńdeý kenornynyń jobasy sátti júzege asyryldy. Ótken jyly tabıǵı gazdy ónerkásipti óndirý bastaldy.
