Aqtaýda fýtbol alańynda jaraqat alyp, qaıtys bolǵan jasóspirim isi boıynsha tekseris bastaldy

AQTAÝ. QazAqparat – Mańǵystaý oblystyq bilim basqarmasy fýtbol alańynda jaraqattanǵan jasóspirimniń qaıtys bolýyna baılanysty tekseris bastady, dep habarlaıdy QazAqparat tilshisi.

Basqarma ókilderi jazataıym oqıǵa bolǵan kúni balalar Aqtaý qalasyndaǵy №9 mektep aýmaǵynda ornalasqan fýtbol alańyna eskertýsiz kirgenin aıtady.

«Kýágerlerdiń aıtýynsha, jaraqat alǵan bala fýtbol qaqpasyna minip, terbelip otyrǵanda qulap ketken. Sol sátte kýágerler jedel járdem shaqyryp, zardap shekken jasóspirim aýrýhanaǵa jatqyzylǵan. Bilim basqarmasy resmı tergeýdi bastady jáne tıisti sharalar qabyldanady», - dedi bilim basqarmasynyń baspasóz qyzmeti.

Al, Mańǵystaý oblystyq Polıtsııa departamentine jasóspirimniń ata-anasy men zańdy ókilderinen eshqandaı ótinish túspegen. Sondyqtan, is qozǵalyp, tergeý amaldary júrgizilmegen.

Eske salsaq, Mańǵystaý oblysy densaýlyq saqtaý basqarmasynyń baspasóz qyzmetinen málim etkendeı, Aqtaýda basyna fýtbol qaqpasy qulaǵan jasóspirim qaıtys bolǵan edi.