Aqtaýda esirtki jarnamasyn taratqan azamat bir jylǵa sottaldy
ASTANA. KAZINFORM — Aqtaý qalasynda azamat Telegram messendjeri arqyly psıhotroptyq zattardy satý týraly jarnamasy bar paraqshalardy japsyryp, ǵımarattardyń qasbetterine graffıtı salǵan. Bul týraly Prokýratýra málim etti.
Quqyq buzýshyny kezekti materıaldy taratý kezinde polıtsııa qyzmetkerleri qylmys ústinde ustady.
— Aqtaý qalalyq sotynyń 2026 jylǵy 23 sáýirdegi úkimimen azamat «A» QR QK-niń 299-1-baby 1-bóligi boıynsha kináli dep tanylyp, 1 jyl bas bostandyǵynan aıyrý jazasy taǵaıyndaldy (úkim zańdy kúshine engen joq), — delingen habarlamada.
Kinásin moıyndaǵanyna qaramastan, oǵan naqty bas bostandyǵynan aıyrý jazasy taǵaıyndaldy.
— Mundaı «jazbalar» — ózin-ózi bildirý emes, esirtki quraldaryn nasıhattaýǵa jatatyn qylmystyq quqyq buzýshylyq. Mańǵystaý oblysynyń prokýratýrasy azamattardy kúmándi tabys kózderinen bas tartýǵa jáne quqyq buzýshylyqtar týraly habarlaýǵa shaqyrady, — dep eskertti óńirlik prokýratýradan.
Buǵan deıin ІІM sıntetıkalyq esirtki aınalymyn toqtatyp, 6 kg-nan astam tárkilegen bolatyn.
