Aqtaýda esirtki satýmen aınalysqandar ustaldy

AQTAÝ. QazAqparat - Mańǵystaý oblysy aýmaǵynda kópten beri sıntetıkalyq esirtki jetkizýmen aınalysyp kelgen eki adam ustaldy, dep habarlaıdy QazAqparat tilshisi.

Oblystyq Polıtsııa departamenti baspasóz qyzmetiniń habarlaýynsha, aǵymdaǵy jyldyń 16 qańtarynda tańǵy saǵat 09: 30-da Polıtsııa departamentiniń Esirtki bıznesine qarsy is-qımyl basqarmasynyń qyzmetkerleri Aqtaý qalasyndaǵy «Grın Park» turǵyn úı keshenindegi páterlerdiń birinde Almaty qalasynyń týmasy eki er adamdy ustaǵan.

«Tintý kezinde olardan jalpy salmaǵy jarty kelige jýyq 240 dana shaǵynı paketterge salynǵan sıntetıkalyq esirtki tabylyp, tárkilendi.

Bul derek QR QK 297-baby 3-bóligi boıynsha Mańǵystaý oblysy PD SDTBT-da tirkelgen. Kúdiktiler Aqtaý qalasy PB ýaqytsha ustaý abaqtysyna qamaldy. Sotqa deıingi tergeý amaldary júrgizilýde. Sot-hımııalyq saraptama taǵaıyndaldy»,-delingen habarlamada.