Aqtaýda eriktiler úısiz adamdardy tamaqtandyrdy

AQTAÝ. QazAqparat - «Biz adambyz - biz birgemiz» qoǵamdyq qorynyń bastamasymen bir top polıtseıler, memlekettik qyzmetshiler turǵylyqty mekeni joq adamdarǵa ystyq tamaq berdi,-dep habarlaıdy QazAqparat tilshisi.

Úısiz júrgen 60 shaqty adamǵa ystyq sorpa, salat, tosap pen sháı berildi. Sondaı-aq, keıbireýlerine kıim-keshek úlestirildi. Qýanyshtarynda shek joq, alǵystaryn aıtyp, ketkileri kelmedi.

Uıymdastyrýshylardyń aıtýynsha, eriktilerge aýa raıy kedergi bolmaǵan, qar jaýyp, kún kenetten sýytsa da eriktiler tarqamaı, tamaq ishýge kelgenderdi tamaqtandyrdy.

«Bizdiń qordyń uıymdastyrýymen buryn kópbalaly analarǵa kómektesetin edik. Endi olarǵa memleket qoldaý berýde, sondyqtan qazir biz kómekti toqtattyq. Onyń ornyna jalǵyzbasty zeınetkerler men úısiz adamdarǵa kómektesemiz»,-deıdi Imanǵazy Dosmuhanbetov.

Bul shara jergilikti atqarýshy organdar, oblystyq polıtsııa departamentiniń jergilikti polıtsııa qyzmeti jáne eriktiler tarapynan qoldaý tapty.

Bolashaqta qordyń uıymdastyrýymen áleýmettik beıimdeý ortalyǵy óz jumysyn bastamaq. Ǵımarat bólinip daıyn tur. Onda densaýlyǵy syr berip, múgedektik rásimdegisi kelgen jandardyń qujattaryn jınaqtap berý, sonymen qatar zeınetkerlikke shyqqandarǵa zeınetaqysyn alyp berýge kómektesý kózdelgen. Eńbekke jaramdylar bolsa, olardy turaqty jumysqa ornalastyrý máselesi de qolǵa alynbaq. Áleýmettik beıimdeý ortalyǵyna aldymen kúrdeli jóndeý júrgizilip, qajetti kólik jáne jıhazben qamtamasyz etiletin bolady. Psıholog mamandardy tartý josparda bar.