Aqtaýda er adam ulyn ómirden aıyrǵan kúdiktini uryp óltirdi
ASTANA. QazAqparat - Aqtaýda er adam ulyn óltirdi degen kúdiktini urlap áketip, qylmysyn moıyndatý úshin ony ólgenshe sabaǵan, dep jazady Lada.kz.
«Osy úshin Aqtaý turǵyny 19 jylǵa sottaldy», - deıdi Mańǵystaý oblysy qylmystyq ister jónindegi mamandandyrylǵan aýdanaralyq sotynyń tóraǵasy Azat Іzbasarov.
Er adam ulynyń ólimin Mańǵystaý turǵynynan kórgen. Ony urlap áketýge kómektesý úshin tanysyna úsh myń AQSh dollaryn usynǵan. Tanysy taǵy úsh adam jaldaǵan. Kúdikti úıinen shyqqan kezde onyń qolyn baılap, mashınaǵa otyrǵyzady da, eń dalaǵa alyp ketedi. Zordyń kúshimen kúdikti aıybyn moıyndaıdy. Budan keıin qaza bolǵan uldyń ákesi quqyq qorǵaý organdaryna «kúdikti aıybyn moıyndaǵanyn» habarlaǵan. Biraq kúdikti bostandyqta júre bergen.
Keıin olar kúdiktini ekinshi ret ustap, «tergeıdi». Alaıda bul joly qylmysqa qatysy joqtyǵyn aıtady. Qarsylasqan kúdiktini er adam ólgenshe sabap, denesin aıdalaǵa kómip ketken.
Uldyń ákesi adam óltirgeni úshin - 19 jylǵa, sybaılastary 16 jylǵa bas bostandyqtarynan aıyryldy. Úkim zańdy kúshine endi.
