Aqtaýda er adam dúkenge qaraqshylyq shabýyl jasady

AQTAÝ. QazAqparat – Aqtaýda er adam dúkende turǵan satýshy áıeldi býyndyryp, birneshe ret basynan tepken. Kúdikti qolǵa tústi jáne istegen isin moıyndady, dep habarlaıdy QazAqparat Lada.kz. saıtyna silteme jasap.

Áleýmettik jelide Aqtýdyń 3-shi shaǵynaýdanynda azyq-túlik dúkenine jasalǵan shabýyl týraly vıdeo tarady. Syrtqy beınebaqylaý kameralaryna er adamnyń dúkenge kirgen sátinen bastap, bolǵan oqıǵa tolyqtaı túsip qalǵan. Ol dúkenge kirgen soń, satýshy áıeldiń qolynan tartyp, oǵan qarsy býyndyrý ádisin qoldanady. Áıel adam esinen tanyp qalǵan soń, kúdikti onyń basynan birneshe tebedi.

Mańǵystaý oblystyq Polıtsııa departamentiniń ókilderi qylmystyq árekettiń 22 sáýirde, saǵat 03:07-de bolǵanyn habarlady. Kúdikti izi sýymaı qolǵa tústi.

«102» kezekshilik bólimine belgisiz er adamnyń dúken satýshysyna kúsh qoldana otyryp, qaraqshylyq shabýyl jasaǵany týraly shaqyrtý tústi. Kúdikti dúkennen aqsha men uıaly telefondardy alyp ketken. Qazirgi tańda kúdikti QR Qylmystyq-protsessýaldyq Kodeksiniń 128 babyna sáıkes, ýaqytsha ustaý ızolıatorynda jatyr. Ol istegen isin moıynady. Sotqa deıingi tergeý júrip jatyr»,-dep habarlady baspasóz qyzmeti.

Sondaı-aq tártip saqshylary dúken satýshysynyń aman qalǵanyn habarlady.