Aqtaýda er adam bıikten qulap mert boldy
Mańǵystaý oblystyq Polıtsııa departamenti baspasóz qyzmetiniń habarlaýynsha, qaıǵyly oqıǵa 18 qazanda segizinshi shaǵyn aýdannyń segizinshi úıinde bolǵan.
Polıtsııa departamentiniń jedel basqarý ortalyǵyna saǵat 19:04-te qońyraý túsken. Er adam bıikten qulaǵan kezinde alǵan jaraqattarynan oqıǵa ornynda kóz jumǵan.
«1951 jyly týǵan er adam besinshi qabattan qulap ketken. Oqıǵa ornyna jedel-tergeý tobynyń qyzmetkerleri shyqty. Atalǵan fakti Aqtaý qalalyq polıtsııa basqarmasynda tirkeldi. Sot-medıtsınalyq saraptama taǵaıyndaldy», - dep habarlady polıtsııa departamentiniń baspasóz qyzmeti.
Aıta keteıik, buǵan deıin Mańǵystaýda kólik túıemen soqtyǵysyp, bir adam qaza tapqanyn habarlaǵan bolatynbyz. Qaıǵyly oqıǵa «Beıneý-Boranqul» tasjolynda bolǵan.