Aqtaýda er adam bıik ǵımarattan sekirmek boldy

AQTAÝ. QazAqparat - Aqtaýda er adam bıik ǵımarattan sekirmek bolǵan, dep habarlaıdy QazAqparat tilshisi oblystyq polıtsııa departamentine silteme jasap.

Departamenttiń baspasóz qyzmetiniń habarlaýynsha, tártip saqshylary uzaq kelissóz júrgizgennen keıin er adam ǵımarattyń tóbesinen óz erkimen túsýge kelisim bergen.

21 sáýir kúni saǵat 00:35-te kezekshi pýltine belgisiz er adamnyń 12-shaǵyn aýdandaǵy №35 úıdiń janyndaǵy ǵımarattan sekirýge oqtalǵany týraly aqparat kelip túsken.

Rota komandıri Nursultan Qanatov vzvod komandırleri Taıman Anshybaev, Álı Uzaqbaev jáne ınspektor Baýyrjan Qonysbekov ózine qol salmaqshy bolǵan er adammen bir saǵattan astam ýaqyt kelissóz júrgizgen. Polıtseılerdiń saǵat bir jarym saǵattan astam ýaqyt júrgizgen áńgimesi nátıjeli bolyp er adam sózge kelgen. Ol qazir Mańǵystaý oblystyq aýrýhanasyna jetkizildi.

Atalǵan is boıynsha materıal Aqtaý qalasynyń polıtsııa basqarmasyna tapsyryldy.