Aqtaýda er adam 2 áıeldi pyshaqtap ketti: biri qaza boldy, ekinshisiniń jaǵdaıy aýyr
AQTAÝ. QazAqparat - Aqtaýda belgisiz er adam 5-shaǵynaýdandaǵy úılerdiń birinde 2 áıel adamdy pyshaqtap ketti, dep habarlaıdy QazAqparat tilshisi.
Qylmys sáýirdiń 28-nen 29-na qaraǵan túni bolǵan. Kýágerlerdiń aıtýynsha, er adam aldymen 28-úıde turatyn áıeldi pyshaqtap óltirip, sosyn 2-qabatqa kóterilip, ekinshi áıeldi jaralaǵan.
MO Polıtsııa departamenti baspasóz qyzmetiniń habarlaýynsha, kúdikti izin sýytpaı ustalǵan. Ol 5-shaǵynaýdanda quryqtalǵan.
«Kúdikti ustaldy jáne qazir ýaqytsha qamaý ızolıatorynda otyr. Atalǵan derek sotqa deıingi tergeýdiń biryńǵaı tizilimine engizildi. QR Qylmystyq Kodeksiniń 99-baby boıynsha is qozǵaldy» delingen habarlamada.
MO densaýlyq saqtaý basqarmasy baspasóz qyzmetiniń aıtýynsha, jaraqat alǵan ekinshi áıel aýyr halde jatyr. Qabyrǵasy synyp, kókirek tusynan jaraqat alǵan.
