Aqtaýda elimizdegi eń iri demalys kesheniniń irgetasy qalandy
Aqtaýdan 20 shaqyrym jerde 160 gektar aýmaqty alatyn demalys aımaǵy 2020 jyly paıdalanýǵa beriledi dep josparlanǵan. Týrıstik nysanda ornalasatyn 4 juldyzdy qonaq úıdiń irgetasyn qalaýǵa Premer-mınıstr Asqar Mamın arnaıy keldi. Otandyq týrızmdi damytý úshin jobanyń jańa múmkindikterin ashatynyn aıtyp, sáttilik tiledi.
Túrkııalyq merdiger kompanııa ókilderiniń aıtýynsha, kýrorttyq aımaqta jaǵajaı klýby, tennıstik kort, fýtbol alańy, oıyn-saýyq ortalyǵy, jylytylatyn basseın, Qazaqstandaǵy eń iri akvapark, SPA bolady. Jalpy, keshen 4 kezeńge bólinip salynady jáne 18 shaqyrymǵa jalǵasady. Aıta keteıik, qonaq úı bir mezgilde 1 myńnan astam adamdy qabyldaýǵa qaýharly. 
«Jobaǵa 57 mlrd teńge bólinip otyr. Birinshi kezeńde 440 nómirli qonaq úı salamyz, 2-shi, 3-shi kezeńde golf ortalyǵy men oıyn-saýyq ortalyǵy, sońǵy kezeńde - akvapark, 9 atraktsıon, sońǵy tehnologııalarmen jabdyqtalǵan kóńil kóterý ortalyǵy bolady. Osy aptada qurylys bastalady»,-deıdi joba sáýletshisi Selchýk Ielken.
Byltyr Elbasy Aqtaý sammıti kezinde qalanyń bolashaqta Qazaqstannyń Antalııasyna aınalatynyn aıtqan edi. Mine, alǵashqy qadam jasaldy.
Aıta ketý kerek, bul shara - 15 mamyrda ótken Astana ekonomıkalyq forýmynyń jemisi. Forým aıasynda oblys ákimi Eraly Toǵjanov shetel ınvestorymen iri jobany júzege asyrý jóninde kelisimge kelgen edi.
