Aqtaýda elektrosamokattardy jalǵa berý jobasy iske qosyldy

Bul qosymsha elimizde naýryz aıynan bastap Almaty, al, mamyr aıynda Nur-Sultan qalalarynda iske qosylǵan bolatyn. Endi jańa joba Aqtaý qalasynda da qolǵa alynyp otyr.
Jalǵa alý qyzmetin turǵyndar «JET» qosymshasyn smartfonǵa júktep alý arqyly júzege asyra alady.
Jobanyń birinshi kezeńinde Aqtaý qalasy aýmaǵynda samokattardy jalǵa berýge arnalǵan 15 turaq 100 samokatpen qamtyldy. Turaqta paıdalaný erejeleri men QR-kody bar taqtaıshalar ornatylǵan.
«Búgingi kúni qala boıynsha 100 samokat shyǵaryldy, baǵasy ár mınýtqa 35 teńge, sondaı-aq, sapardaǵy jazataıym oqıǵadan saqtaý maqsatynda samokattar GPS-pen jabdyqtalǵan. Jyldamdyqty 25 km/saǵ-tan asyrýǵa múmkindik joq. Maýsym aıynyń sońyna deıin samokattar sanyn 300 danaǵa deıin arttyrýdy josparlap otyrmyz»,- deıdi kompanııa ókili M.Abelqasov.
Elektrosamokattardy paıdalaný utqyr qozǵalys, qoljetimdi avtoturaq, sondaı-aq, bul qalaishilik ekologııalyq taza kólik quraly retinde tıimdi bolmaq.