Aqtaýda elektr qýatynyń tutyný kólemi shamadan tys artyp ketken
AQTAÝ. QazAqparat - Aqtaýda elektr qýatynyń tutyný kólemi shamadan tys artýynan keıbir shaǵyn aýdandar jaryqsyz qaldy,-dep habarlaıdy Qazaqparat tilshisi.
Jaýapty mekeme ókilderi shuǵyl túrde baspasóz máslıhatyn ótkizip, jaǵdaıdy túsindirip berdi.
Negizgi sebep - turǵyndar arasynda elektr qýatynyń tutyný kólemi ulǵaıǵan. Máselen, osy aıdan bastap, elektr qýaty 75 MVt-tan 120 MVt-qa deıin artqan. Sonyń saldarynan joǵary kerneýli elektr jelileri isten shyqqan. «AÝES» mamandary Prıozernyı, Prımorskıı eldi mekenderi men 6 shaǵyn aýdanda jelilerdi aýystyrǵan.
«Qazir qalada elektr energııasynyń tapshylyǵy joq. Jaryqtyń sónýine jelilerdiń isten shyǵýy sebep boldy. Búgingi kúni barlyq aqaýlar ornyna keltirildi. Kelesi jyldan bastap eskirgen kabel jelilerin jańartý jumystary júrgizilmek.
Al, qalaǵa túsetin júktemeni azaıtý úshin 1 shaǵyn aýdanda qýattylyǵy 25 MVt bolatyn «Hazar» qosalqy stantsııasynyń qurylysy bastalǵan. Budan bólek, bolashaqta botanıkalyq saıabaqtyń mańynda qýaty 40 MVt bolatyn qosalqy stantsııa salý josparlanǵan.
