Aqtaýda elektr energııasy tolyqtaı qosyldy

AQTAÝ. QazAqparat – Keshki 16:00 shamasynda Aqtaý qalasyndaǵy №7,25,26,27 joǵary voltty uıashyqtarynyń jóndeý jumystary aıaqtalyp, turǵyndar tolyq qosyldy, dep habarlaıdy QazAqparat.

Oblystyq energetıka jáne turǵyn úı̆-kommýnaldyq sharýashylyǵy basqarmasynyń basshysy Aı̆dos Hamıevtyń habarlaýynsha, 1, 2, 3a, 3b, 4 shaǵynaýdandaǵy ajyratylǵan elektr jelileri tolyqtaı qalpyna keltirildi.

Onyń aıtýynsha, Atyraý oblysyndaǵy kún raıynyń qolaısyzdyǵy elektr energııasynyń úzilýine sebep bolǵan.

«2021 jyldyń 10 qańtar kúni 18:25 shamasynda Atyraý oblysynda kún raıynyń qolaısyzdyǵyǵynan «Inder-Atyraý» qosalqy stantsııalarynda apattyq jaǵdaı oryn aldy. Bul elektr energııasy jıiliginiń tómendeýine ákelip, «KEGOC» jelisinde paıda bolǵan aqaý saldarynan Aqtaý qalasynyń 2, 3A, 3B, 4 shaǵyn aýdandarynda jáne Túpqaraǵan aýdanynyń eldi mekenderindegi keıbir nysandarynda toq kózi ýaqytsha ajyratyldy», - dedi ol.

Avtomatıka jumysynyń nátıjesinde Mańǵystaý men Atyraý oblystarynyń elektr energııasynan tolyqtaı ajyratylýynyń aldyn aldy. Qazirgi saǵatta eki oblystyń aýmaǵynda apatty qalpyna keltirý jumystary júrgizilip jatyr.

Aıta keteıik, keshe keshkisin Atyraýda elektr jelisindegi apattan Mańǵystaýda da jaryq sónip qalǵanyn habarlaǵan bolatynbyz.