Aqtaýda ekologııalyq týrızmdi damytý qolǵa alynbaq
AQTAÝ. QazAqparat - Aqtaýdaǵy negizgi ornıtologııalyq aýmaqtardyń biri Qarakól kólinde «Saıabaqtar marshy» tabıǵatty qorǵaý aktsııasy ótti, dep habarlaıdy «QazAqpart» HAA tilshisi.
Shara aıasynda Aqtaý qalasynyń Nazarbaev zııatkerlik mektebinde hımııa-bıologııalyq baǵyttarynda bilim alatyn oqýshylar men «Jasyl álem» klýbynyń músheleri qustardy baqylap, qoqıqazdardyń álemimen tanysty.
Qarakól kóli - respýblıkalyq mańyzy bar Qaraqııa-Qarakól memlekettik janýarlar qoryǵynyń bóligi. Bul qoryqtan jyldyń ár maýsymynda sý jáne sý mańynda mekendeıtin 175-ke deıingi qustardyń túrin kezdestirýge bolady. Olardyń arasynda qıqyldaq aqqý, buıra jáne qyzǵylt birqazan, qoqıqaz, jalbaǵaı, aqbas tyrna syndy Qazaqstannyń qyzyl kitabyna engizilgen 20 qus bar.
Óz kezeginde jas ekologtar sırek kezdesetin qustardy saqtap qalý, jalpy óńirde ekologııalyq týrızmdi damytý baǵyttaryndaǵy jobalarmen aınalysyp jatqandyqtaryn aıtty.
