Aqtaýda eki jumysshy avtobýstyń astynda qaldy
ASTANA. QazAqparat - Aqtaýda kólik jóndeıtin ortalyqtardyń birinde eki jumysshy zardap shekti. Aıaq-astynan avtobýsty kóterip turǵan qural isten shyǵyp, jumysshylardyń ústine qulap túsken, - dep habarlaıdy Qazaqparat tilshisi Mańǵystaý telearnasyna silteme jasap.
Oqys oqıǵa saldarynan jaraqat alǵandar shuǵyl oblystyq aýrýhanaǵa jetkizilgen. Bir jumysshy jeńil jaraqattar alyp, dárigerdiń tekserýinen keıin úıine jiberildi. Al ekinshisiniń jaǵdaıy aýyr. Dárigerler qajetti em-domyn jasap jatyr.
«Aıtýynsha, jumysta alǵan jaraqat. Avtobýstyń astynda qalǵan. Qazir naýqas jansaqtaý bóliminde jatyr. Oń jaq san, oń jaq qolyn kúıik shalǵan. Sosyn terileri tilinip qalǵan»,-deıdi MO aýrýhanasynyń travmatologııa bóliminiń meńgerýshisi Eset Shahatbaev.
