Aqtaýda eki júkti áıel jol apatynan zardap shekti

AQTAÝ. QazAqparat – Jol apatynan zardap shekken eki áıel de júktiliktiń 23-24 aptasynda, dep habarlaıdy QazAqparat tilshisi.

Mańǵystaý oblystyq densaýlyq saqtaý basqarmasy baspasóz qyzmetiniń habarlaýynsha, birinshi jol apaty Mańǵystaý-3 aýyly, «Ámına» dúkeniniń mańynda bolǵan. Zardap shekken áıel oblystyq aýrýhanaǵa jetkizilgen. Dárigerler oǵan «bas-mıynyń shaıqalýy» degen dıagnoz qoıǵan.

Al, ekinshi jol apaty 27-shaǵynaýdandaǵy «Báıterek» saýda ortalyǵynyń aldynda bolǵan. Kólik ishinde bolǵan júkti áıelge nevroz dıagnozy qoıylǵan. Alaıda, ol óz erkimen emdelýden bas tartyp, úıine qaıtarylǵan.