Aqtaýda eki páter órtenip, 50 adam qaýipsiz jerge kóshirildi

AQTAÝ. QazAqparat – Aqtaýdaǵy 11 shaǵynaýdandaǵy 19-úıde eki páter órtenip, 50 shaqty turǵyn qaýipsiz jerge kóshirildi, dep habarlaıdy QazAqparat tilshisi.

Órt aldymen osy úıdiń 4-qabatynda saǵat shamamen 13:15-te bastalǵan. Jalyn joǵarydaǵy 5-shi qabattaǵy páterge jaıylǵan.

Oblystyq tótenshe jaǵdaı departamentiniń jedel qutqarý jasaǵynyń habarlaýynsha, órt týraly habarlama saǵat 13:15-te túsken. Al, 2-ge taman órt sóndirilgen. ⠀

«Zardap shekkender tirkelgen joq. Órtti sóndirý jumystaryna 3 tehnıka men 10 qutqarýshy jumyldyryldy. 50 adam kóshirildi. Órttiń neden shyqqany belgisiz»,-dep habarlady departamentten.