Aqtaýda eki qabatty avtobýstar júredi

AQTAÝ. QazAqparat – Aqtaýda ınvestorlar esebinen jańa eki qabatty avtobýs satyp alyndy. Ázirge ol jaǵalaý men kýrorttyq nysandardy aralaıdy dep josparlanǵan, dep habarlaıdy QazAqparat Aqtaý qalasy ákiminiń baspasóz qyzmetine silteme jasap.

Avtobýstyń bıiktigi - 4 metr, syıymdylyǵy - 67 oryndyq. Ekinshi qabat vıdeokameralarmen jabdyqtalǵan. Eýropalyq standartqa saı jasalǵan.

«Negizgi maqsat - týrısterge ólkeniń ásemdigin óz kózimen kórýge múmkindik jasaý, ekskýrııa uıymdastyrý. Qaladaǵy demalys keshenderimen baılanys ornatýdamyz. Bul bir keshtiń ishinde qalamen tanysyp ótý úshin jasalǵan tamasha múmkindik. Kásipkerlerden usynystar bolsa, taǵy da 2-3-in ákelý josparda bar. Tipti, oblys aýmaǵynda, elge tanymal tabıǵı keshenderge, tarıhı eskertkishterge barýǵa bolady»,-dedi avtobýsty satyp alǵan mekeme ókili Aslan Jaǵbalıev.