Aqtaýda eki jastaǵy balany kúıdirgen tárbıeshi jumystan shyǵaryldy
Mańǵystaýda eki jastaǵy balany kúıdirgen balabaqsha tárbıeshisine mekeme basshylyǵy shara qoldanyp, jumystan bosatty, dep habarlaıdy Kazinform.
Bul týraly Aqtaý qalasy boıynsha bilim bóliminiń ókilderi málimdedi.
Aqtaýdaǵy «Bala Land» balabaqshasynyń «Solnyshko» tobynyń tárbıelenýshisi Aqtoty Saıasat bir aıdan astam ýaqyt buryn kúıip qalǵan soń atalǵan mekemeniń tárbıeshisiniń kómekshisi jumystan bosatyldy. Bul sheshim jumys berýshiniń bastamasymen júzege asyryldy», - dedi qalalyq bilim bóliminiń mamandary.
Buǵan deıin aqtaýlyq ana tárbıeshilerdiń salǵyrttyǵynan balabaqshaǵa bergen eki jastaǵy balasynyń ystyq sýǵa kúıip qalǵanyn aıtqan bolatyn. Osydan keıin shýly oqıǵaǵa qatysty qalalyq bilim bólimi tekserý jumystaryn júrgizetinin habarlady. Zardap shegýshi tarap dárigerge teksertý kezinde balanyń 2 dárejeli kúıik alǵanyn bilgen.
«Deneniń 7 paıyzy kúıip qaldy. Qazir balamnyń denesiniń kúıip qalǵan jeri kúldirep tur. Budan bólek, sol aıaǵyna da zaqym keldi. Tárbıeshiler balalardy qolǵappen jýyndyrǵan eken», - degen bolatyn balanyń anasy.
Aqtaýdaǵy «Bala Land» jekemenshik balabaqshasyna senimgerlik basqarý boıynsha «Uly-Jan» JShS-niń ıeliginde. Mektepke deıinge tárbıe berý mekemesi bıyl tamyz aıynda memlekettik bilim berý tapsyrysyn ıelengen. Búginde balabaqshada 225 bala tárbıelenip jatyr.
