Aqtaýda eki jasóspirimdi kólik qaǵyp ketti
AQTAÝ. KAZINFORM - Oqıǵa Shyǵys-2 jáne Shyǵys-3 shaǵyn aýdany arasyndaǵy jolda bolǵan.
Sabaqtan shyqqan 3 oqýshy jaıaý júrginshi jolaǵy arqyly joldyń ekinshi betine ótpek bolǵan. Olar kóliktiń toqtaǵanyna kóz jetkizip baryp, jolǵa shyǵady. Alaıda bir kólik qatty jyldamdyqpen kelip, alda ketip bara jatqan 2 balany qaǵyp ketti. Saldarynan jetkinshekter aýyr jaraqatpen oblystyq balalar aýrýhanasyna jetkizilgen.
- Naýqastar 2013 jáne 2014 jylǵy. Bireýinde bas mı jaraqaty, birinshi satydaǵy qarynshaishilik qan ketý jáne beti men denesiniń synyqtary bar. Jaǵdaıy aýyr. Al ekinshi bala es-tússiz, komada jansaqtaý bóliminde jatyr. Qazir dárigerler áli de tekserý jumystaryn júrgizip jatyr, - deıdi Mańǵystaý oblystyq kópbeıindi aýrýhanasynyń baspasóz hatshysy Juldyzaı Qalıeva.
Oblystyq Polıtsııa departamenti atalǵan oqıǵa boıynsha qylmystyq is qozǵalǵanyn habarlady.
Buǵan deıin Aqtaýda ata-analar memlekettik mektep ashyp berýdi surap, ákimdik aldyna jınalǵany týraly jazǵan edik.