Aqtaýda eki shaǵyn aýdan aralyǵyndaǵy avtomobıl joly ýaqytsha jabylady

ASTANA. KAZINFORM — Aqtaý qalasynda ortasha jol jóndeý jumystaryna baılanysty 8-shaǵyn aýdan men 6-shaǵyn aýdan aralyǵynda jol júrisi ýaqytsha shekteledi, dep habarlaıdy qala ákimdiginiń baspasóz qyzmeti.

— 26-28 shilde aralyǵynda atalǵan avtomobıl jolyna ortasha jóndeý jumystaryn júrgizý josparlanyp otyr. Aqtaý qalalyq jolaýshylar kóligi jáne avtomobıl joldary bólimi qala turǵyndary men qonaqtarynan keltirilgen ýaqytsha qolaısyzdyqtarǵa túsinistikpen qaraýdy suraıdy, — delingen Aqtaý qalasy ákimdigi taratqan aqparatta.

Budan buryn 21 shildede tańnan bastap Aqtaýda qoǵamdyq kólikter júrmeı qalǵany belgili boldy. Saldarynan turǵyndar kútpegen jerden tyǵyraqqa tirelgenin aıtyp, shaǵymdandy.