Aqtaýda dzıýdodan jasóspirimder arasynda halyqaralyq týrnır ótedi
ASTANA. QAzAqparat - 1-2 mamyr kúnderi Aqtaý qalasyndaǵy tennıs ortalyǵynda dzıýdodan jasóspirimder arasynda Er Qosaı Qudaıkeulynyń júldesine arnalǵan halyqaralyq týrnır ótedi, dep habarlaıdy QazAqparat tilshisi.
QR Dzıýdo federatsııasy taratqan málimetterge súıensek, bıyl osymen 10-shy ret jalaýy jelbiretip otyrǵan halyqaralyq dodaǵa Qazaqstan, Ózbekstan, Ázirbaıjan, Grýzııa, Túrikmenstan, Qyrǵyzstan, Tájikstan elderinen 2001-2003 jáne 2004-2006 jyly týyǵan 800-ge jýyq jas tatamı sheberleri qatysady.
Halyqaralyq jarys jeńimpazdary «Sport sheberine úmitker» ataǵyna ıe bolady. Eki kúnge jalǵasatyn dodanyń alǵashqy kúni 2001-2003 jyly týǵan jasóspirimder arasynda myqtylar anyqtalsa, ekinshi jarys kúni 2004-2006 jyly týǵan jasóspirimder arasynda úzdikter belgili bolady.
Foto: fdk.kz
