Aqtaýda dúkenge kelýshiler dezınfektsııalyq týnnelden ótedi

AQTAÝ. QazAqparat – Aqtaýda gıpermarketke kelýshiler bastan-aıaq dezınfektsııa jasaıtyn týnnelden ótetin bolady, dep habarlaıdy QazAqparat tilshisi qala ákiminiń baspasóz qyzmetine silteme jasap.

«Dına» gıpermarketiniń ákimshiligi zalalsyzdandyrý týnneliniń jumysyn qala ákiminiń orynbasary Serik Gýsmanǵa tanystyrdy. Arnaıy qurylǵy saýda ornynyń dál aldyna ornatylǵan. Onyń joǵary jaǵynda suıyqtyq búrkip turady. Kásipkerdiń aıtýynsha, osy arqyly dúkenge kelýshiler dezınfektsııalanady.

«Atalǵan týnnelder Aqtaý qalasynyń «Eńbek« RMK-da jasaldy. «Dına« gıpermarketi bastamany qoldap, eń alǵashqy bolyp satyp aldy. Ózderińizge belgili, shekteýler engizilgenimen, azyq-túlik dúkenderi, dárihana, bankter jumystaryn jalǵastyrady. Sondyqtan qalǵandaryn da osyndaı zalalsyzdandyrý týnnelderin ornalastyrýǵa shaqyramyz. Bul, halyqtyń ıgiligi úshin, árqaısymyzdyń densaýlyǵymyz úshin paıdaly», - dedi qala ákiminiń orynbasary Serik Gýsman.