Aqtaýda dúken tonaǵan qaraqshynyń vıdeosy jarııalandy
ASTANA. QazAqparat - Oqıǵa Aqtaýdaǵy 7-shi shaǵyn aýdanyndaǵy azyq-túlik dúkenderiniń birinde bolǵan, dep jazady.
Tonaý oqıǵasy kezinde dúkende tek satýshy bolǵan. Shaǵyn markettiń qyzmetshisiniń aıtýynsha, belgisiz er adam 19 tamyz kúni saǵat 11:30-da danalap satylatyn temeki alý úshin dúkenge kiredi. Onyń danalap satylmaıtynyn bilip, shyǵyp ketedi.
«10 mınýt ótkennen keıin qaıtyp kelip, dúkenniń aldynda turdy. Ol dúkenge kirip, sholaq myltyǵyn shyǵaryp, maǵan qaraı baǵyttady. Kassadaǵy barlyq aqshany shyǵarýǵa májbúrledi. Shynymdy aıtsam, qatty qorqyp kettim. Onyń túrine de qaramadym, sebebi ol qara kózildirik, medıtsınalyq maska men kepka kıip alǵan edi. Bar kózim qarýda boldy», - deıdi satýshy.
Áıel qaskúnemge kassadan 8 myń teńge shyǵaryp bergen. Qaraqshy túrli-tústi paket talap etip, aqshany sonda salǵan. Ketip bara jatyp polıtsııaǵa habarlamaýyn suraǵan. Eki mınýt ótkennen keıin satýshy tártip saqshylaryn shaqyrǵan.
Aıta keteıik, Aqtaýdaǵy 11-shi jáne 26-shy shaǵyn aýdandarda qaraqshylyq áreketter jasaǵan qarýlanǵan er adam ustalǵandyǵy týraly buǵan deıin habarlaǵan bolatynbyz.
