Aqtaýda dron ushyrýǵa ýaqytsha tyıym salyndy
AQTAÝ.KAZINFORM — Aqtaý qalasynda 22-26 shilde aralyǵynda dron ushyrýǵa ýaqytsha tyıym salyndy. Bul týraly Aqtaý qalasynyń ákimdigi habarlady.
Ákimdiktiń resmı aqparatyna súıensek, bul shekteý oqý-jattyǵý is-sharalaryn ótkizýge baılanysty qabyldanyp otyr.
— Qazaqstan Respýblıkasynyń Azamattyq avıatsııa komıtetinde tirkelmegen jáne belgilengen tártippen esepke qoıylmaǵan pılotsyz áýe kemeleri (drondar) anyqtalǵan jaǵdaıda, Qazaqstan Respýblıkasynyń Ákimshilik quqyq buzýshylyq týraly kodeksiniń 563-babyna sáıkes ákimshilik jaýapkershilikke tartylyp, aıyppul salynatynyn eskertemiz, — delingen ákimdiktiń habarlamasynda.
Buǵan deıin drondar men jasandy ıntellekt energetıkadaǵy aqaýlardy erte anyqtaýǵa múmkindik beretini týraly jazdyq.
