Aqtaýda dinı mereke kezinde teńiz jaǵasynda sýǵa túsýge shekteý qoıyldy

AQTAÝ. QazAqparat - Mańǵystaýda Pravoslav hrıstıandarynyń merekesine baılanysty teńiz jaǵasynda jappaı sýǵa túsý rásimine shekteý qoıyldy, dep habarlaıdy QazAqparat tilshisi oblystyń Din basqarmasyna silteme jasap.

Din basqarmasynyń basshysy Maqsatbek Mahanbetovtyń málimetinshe, bas sanıtar dárigerdiń qaýlysyna sáıkes jappaı sýǵa shomylý rásimine shekteý qoıylǵan.

«Aımaqtaǵy epıdemıologııalyq jaǵdaıǵa baılanysty Mańǵystaý oblysynyń Bas sanıtarlyq dárigerdiń 2021 jylǵy 8 qańtardaǵy № 1 «Mańǵystaý oblysynyń aýmaǵynda koronavırýs ınfektsııasynyń aldyn alý týraly» Qaýlysynyń 6-tarmaǵy 3-tarmaqshasyna sáıkes dinı birlestikterge ujymdyq buqaralyq is-sharalardy ótkizýge tyıym salynǵanyn negizge ala otyryp Mańǵystaý oblysynyń ákimdigimen Pravoslav hrıstıandarynyń «Shomyldyrý rásimi» merekesi kúni dinı joralǵylardy oryndaý úshin teńiz jaǵasynda jappaı sýǵa túsý rásiminiń ótkizilýine shekteý qoıyldy»,- dedi ol.

Sondaı-aq, Aqtaý qalalyq «Blagoveşensk Prıhody Oral Eparhııasy» jergilikti pravoslavıelik dinı birlestiginiń protoıereıi Igor Vyrıkov sýǵa túsi rásimin teńiz jaǵasynda jasamaýynyń sebebin túsindirdi.

«Dinı birlestikterdi jáne oblys turǵyndaryn kúsheıtilgen sanıtarlyq - dezınfektsııalyq rejımdi saqtaýǵa jáne ómirińizge qaýipti indetten saqtanýǵa shaqyramyz»,-dedi protoıereı Igor Vyrıkov.