Aqtaýda dárigerlerdiń sýreti bar bılbordtar iline bastady
Aqtaý ákiminiń baspasóz qyzmetinen málim etkendeı, «Bizdiń batyrlar! Nashı geroı!» dep jazylǵan bılbordta dárigerdiń fotosy, aty-jóni kórsetiledi. Barlyǵy 100-ge jýyq mamannyń sýretin ornalastyrý josparlanǵan.
«Qazaqstan ǵana emes, álem elderin eseńgiretip, talaı̆ ómirdi jalmaǵan koronavırýs pandemııasy adamzatqa tóngen úlken qaýiptiń biri boldy. Osyndaı̆ qıyn kezeńde adam ómiri úshin arpalysyp, ýaqytpen sanaspaı̆, óz antyn adal atqaryp jatqan dárigerlerdiń eńbegi erekshe! Aq jeleńdi abzal jandar - kúni men túnin aýrýhanada ótkizedi, 2-3 aı̆lap úı̆lerine barmaıdy, bala-shaǵalarynan jyraqta júr. Tipti, keı̆bireýleri dertti ózderine juqtyryp, ómirimen qosh aı̆tysty. Adam ómirin qorǵaýda aldyńǵy sapta aıanbaı̆ eńbek etip júrgen ardaqty mamandyq ıelerin dáripteý maqsatynda Aqtaý qalasynyń ortalyq kóshelerine bılbordtar ilindi. Qala ákiminiń bastamasymen, oblys ákimi Serikbaı̆ Trumovtyń qoldaýymen jáne kásipkerlerdiń qarjylaı̆ kómegimen iske asqan ıgi joba arqyly - shahardaǵy árbir turǵyn batyrlarymyzdy tanı alady», - delingen habarlamada.
Qazirgi tańda 10-nan astam bılbord 9-shaǵynaýdannan bastap 4-shaǵynaýdanǵa deıingi jol boıyna ilindi. Endi teńiz jaǵalaýyna da shyǵarý josparlanǵan.