Aqtaýda dárigerler jasóspirimniń asqazanynan 3 keli shash aldy
AQTAÝ. QazAqparat - Oblystyq balalar aýrýhanasynyń hırýrgtary 12 jasar Aqtaý turǵynynyń asqazanynan uzyndyǵy 35 sm shashtan quralǵan shar aldy. Onyń salmaǵy - 3 keli 560 gramm. Bul týraly oblystyq balalar aýrýhanasy hırýrgııa bóliminiń meńgerýshisi Sultanbek Týmashev málim etti, dep habarlaıdy lada.kz.
Hırýrgtyń aıtýynsha, onyń asqazanynyń barlyǵynda shash bolǵan. Onda tamaqqa oryn qalmaǵan.
«Jalpy aqýyz deńgeıiniń tómen bolýy jáne aıaǵynyń isip ketýiniń saldarynan qyzdy ota jasaýǵa eki kún daıyndaǵan. Maǵan Jánibek Temirov kómekshilik etken otany ashyq ádispen jalpy narkoz arqyly jasadyq. Asqazany keńeıip, kishi jambasqa túsip ketken. Onyń asqazanynan salmaǵy 3 keli 560 gramm jáne kólemi 35h13 sm bolatyn shashtan quralǵan shar aldyq. Asqazany men ishegin jýyp, tiktik. 13 shildede bolǵan ota sátti ótti. Qazir naýqastyń tábeti jaqsy. Búgin ony úıine shyǵardyq», - dep túsindirdi Sultanbek Týmashev.
Jasóspirimniń anasynyń aıtýynsha, qyzy kóp jyldan beri shashynyń ushyn jutyp kelgen. Sońǵy eki-úsh jylda jasóspirimniń júregi aınyp, bozaryp, aryqtap júrgen. Biraq, onyń ishi úlkeıip ketken. Kompıýterlik tomografııalyq zertteý arqyly dárigerler onyń asqazanynan shashtan quralǵan shardy tapqan.
Bul hırýrgtyń 33 jyldyq tájirıbesinde tirkelgen ekinshi oqıǵa eken. Ol osyndaı otany alǵash ret 1987 jyly jetibaılyq qyzǵa jasaǵan.
