Aqtaýda dárigerler pedofılden zorlyq kórgen qyzdy Astanaǵa ákeletin bolyp sheshti
ASTANA. QazAqparat - Aqtaýǵa elordalyq Ana men bala ortalyǵynyń mamandary keldi. Astana dárigerleri qyz balany qarap, ony Astanaǵa jetkizý týraly sheshim qabyldady. Olardyń aıtýynsha, qyzdyń jaǵdaıy burynǵysha aýyr, alaıda tómendeý dınamıkasy baıqalmaıdy, dep habarlaıdy tumba.kz.
«Biz balanyń syrqatnamasymen tanystyq. Balaǵa dıagnoz qoıyldy. Onyń ómirine tónip turǵan qaýip saqtalýda. Ol esin áli jıǵan joq. Oǵan ary qaraı Ana men bala ortalyǵyndaǵy jaǵdaımen ıaǵnı mamandandyrylǵan kómek ala otyryp emdelý qajet», deıdi Ana men bala ortalyǵynyń balalar anastezıolog-reanımatology Bolat Jumanııazov.
Bala áýe jolymen jetkiziledi.
«Biz dárigerlik konsılıým ótkizdik. Doktorlar emdeý júrgizýde osyndaı taktıkalyq áreketterdi durys dep tapty. Mamandar ony tasymaldaý jaýapkershiligin óz moıyndaryna aldy», - dep atap ótti oblystyq balalar aýrýhanasynyń bas dárigeri Kámshat Tursynbekova.
Ortalyqtyń dárigerleri jansaqtaý bóliminde jatqan basqa da balalardy qarap shyǵyp, olardy emdeýge qatysty usynymdaryn berdi.
Eske sala ketsek, oqıǵa 20 tamyzda Aqtaý qalasynda boldy. 6 jasar qyz ájesimen dúkenge birge barǵanda ony belgisiz bireý urlap ketken. Eki saǵat boıy ózderi izdep taba almaǵasyn olar polıtsııaǵa shaǵymdanǵan.
Qyz bala keshke qaraı es tússiz kúıde «Nur plaza» jaǵajaıyna qarsy bette tabylǵan. Ol jereý aýrýhananyń jansaqtaý bólimine jetkizilgen.
Osy oqıǵa boıynsha QR QK-niń 120 baby boıynsha sotqa deıingi tergeý bastaldy.
Buǵan deıin Mańǵystaý oblysynyń ákimdigi alty jasar qyzdy zorlaǵan qylmysker týraly aqparat bergen adamǵa 3 mıllıon teńge syıaqy taǵaıyndaǵany habarlanǵan edi.
