Aqtaýda dámhanadaǵy atystan eki adam jaralandy

AQTAÝ. QazAqparat – Aqtaý qalasynda dámhanaǵa kelýshiler arasyndaǵy janjal sońy atysqa ulasty, 2 adam jaralandy, dep habarlaıdy QazAqparat tilshisi.

Atysta zardap shekken 2 jigit jedel aýrýhanaǵa jetkizilgen. Olardyń aıtýynsha, sózge kelispeýshilik sońy atysqa ulasqan.

«Biri 1993 jylǵy. Onyń aıaǵyna oq tıse, ekinshisi 1992 jylǵy. Onyń sol jaq bilegine oq tıgen. Alǵashqy kómek kórsetilgen soń, ekeýi de ambýlatorlyq emdeýge jiberildi», - dep habarlady Mańǵystaý oblystyq Densaýlyq saqtaý basqarmasynyń baspasóz qyzmeti.

Atalǵan derekke qatysty «buzaqylyq» boıynsha is qozǵalǵan.

«Polıtsııa departamenti sotqa deıingi tergeýdi bastady. QR Qylmystyq kodeksiniń 293-baby, 3-bóligi boıynsha is qozǵaldy», - deıdi Polıtsııa departamentiniń baspasóz qyzmeti.

Osy iske qatysy bar kúdikti ustalyp, sottyń sanktsııasymen 2 aıǵa qamaýǵa alynǵan.