Aqtaýda burynǵy túrme basshysy para alǵany úshin 7 jylǵa sottaldy

AQTAÝ. QazAqparat - Aqtaý qalalyq sotynda GM-172/6 túzeý kolonııasynyń burynǵy basshysyna qatysty qylmystyq is boıynsha úkim shyqty, dep xabarlaıdy QazAqparat tilshisi.

Sot anyqtaǵandaı, eks-basshy sottalǵandardyń týystarynan iri kólemde qarajat alǵan.

«GM-172/6 túzeý mekemesiniń basshysy men onyń orynbasary jazasyn óteýshilerdiń týystarynan májbúrli túrde iri kólemde aqsha jınap otyrǵan»,- dep xabarlady qalalyq sottyń baspasóz qyzmeti.

Sot májilisinde aıyptalýshylardyń qylmysy is qujattarymen jáne kýálerdiń keltirgen málimetterimen dáleldendi.

Atalǵan tulǵalar QR Qylmystyq kodeksiniń 366-baby («Para alý»), 3-tarmaǵy, 1,2-tarmaqshasy boıynsha kináli dep tanylyp, 7 jylǵa bas bostandyǵynan aıyrý týraly sheshim shyqty.

Úkim áli zańdy kúshine engen joq.