Aqtaýda burynǵy KVN oıynshysyn óltirgenderge qatysty úkim shyqty
AQTAÝ. QazAqparat - Osydan 5 aı buryn joldastarynyń qolynan qaza tapqan Kóńildi tapqyrlar klýbynyń burynǵy oıynshysy Danııar Álimbaevtyń ólimine qatysty kinálilerge sot úkimi shyqty, dep xabarlaıdy QazAqparat tilshisi.
Mańǵystaý oblysy qylmystyq ister jónindegi mamandandyrylǵan aýdanaralyq sotynda aǵymdaǵy jyldyń 20 maýsymynda Danııar Álimbaevty óltirdi degen aıyppen sottalýshy S., T. jáne Sh.-ǵa qatysty sot úkimi jarııalandy.
Aıyptalýshy S. QR QK-niń 99-babynyń 2-bóliginiń 9-tarmaǵymen (buzaqylyq nıetpen adam óltirý) kináli dep tanylyp, oǵan 15 jylǵa bas bostandyǵynan aıyrý jazasy;
Sot úkimimen T. QR QK-niń 293-babynyń 2-bóliginiń 1-tarmaǵymen (sýyq qarý qoldanyp buzaqylyq jasaý) kináli dep tanylyp, oǵan 2 jyl merzimge bas bostandyǵynan aıyrý jazasy;
Sot úkimimen Sh. QR QK-niń 293-babynyń 2-bóliginiń 1-tarmaǵymen (sýyq qarý qoldanyp buzaqylyq jasaý) kináli dep tanylyp, oǵan 2 jyl merzimge bas bostandyǵynan aıyrý jazasy taǵaıyndaldy.
Jábirlenýshilerdiń azamattyq talaptary qanaǵattandyrylyp, qaıtys bolǵan azamattyń áıeline S.-dan 3 mln teńge, T.-dan 500 myń teńge, Sh.-dan 500 myń teńge moraldyq zııan somasy óndirilgen.
Sol sııaqty oqıǵa ornynda tóbeles saldarynan densaýlyǵyna jeńil dárejede zııan kelgen azamattarǵa da qarajat berildi.
Aıta keteıik, osyǵan deıin Danııar Álimbaevtyń pyshaqtalyp, qaıtys bolǵanyn jazǵan bolatynbyz.
Sot úkimi zańdy kúshine engen joq. Úkimge kelispegen taraptar 15 kún ishinde apellıatsııalyq tártippen shaǵym ne qarsylyq keltire alady.
