Aqtaýda býkmerlik keńsede tóbeles shyǵarǵan buzaqylar ustaldy
ASTANA. QazAqparat - Aqtaýdaǵy býkmekerlik keńseniń birinde tóbeles shyǵarǵan buzaqylar ustalyp, olardyń kim ekeni anyqtaldy, - dep xabarlaıdy QazAqparat tilshisi.
MO ІІB baspasóz qyzmetiniń málimetinshe, atalǵan fakti boıynsha QR Qylmystyq kodeksiniń 293-baby (buzaqylyq) boıynsha is qozǵalyp, sotqa deıingi tergeýdiń biryńǵaı tizilimine engizilgen.
«Qazirgi kezde kúdiktiler ІІB-de qamaýda. Qajetti ekspertıza taǵaıyndalǵan. Oqys oqıǵanyń bolý sebebi anyqtalýda», - deıdi MO ІІB baspasóz qyzmeti.
Eske salaıyq, 30 mamyr kúni 5 shaǵynaýdandaǵy býkmekerlik keńseniń birinde tóbeles bolyp, buzaqylar beınebaqylaýǵa túsip qalǵan edi. Onda eki er adam bir adamdy uryp, tepkiniń astyna alǵan. Býkmekerlik keńse basshylyǵy er adamdy urǵan kúzetshi emes ekenin, oqıǵanyń mán-jaıyn anyqtaıtynyn aıtqan edi.
