Aqtaýda birneshe kúnnen beri aýyz sýsyz otyrǵan turǵyndar joldy japty

AQTAÝ. KAZINFORM — Turǵyndar 19 ben 16 shaǵyn aýdandardyń ortasyndaǵy avtokólik jolyn jaýyp, jergilikti bılikten sý berýdi talap etti. Polıtsııa qyzmetkerleri jol kólik apatynyń aldyn alý maqsatynda, jınalǵandardan joldan shyǵýdy surady. Sodan soń turǵyndarǵa Aqtaý qalasy ákiminiń mindetin atqarýshy Nurtas Salı kelip, aýyz sý tapshylyǵyn joıý úshin jasalyp jatqan sharalardy túsindirdi.

Eske salaıyq, búgin Mańǵystaý atom energııa kombınatynyń ókili Vladımır Vasılev qalada sý tapshylyǵy qaıtadan týyndaǵanyn habarlady. Oǵan aptap ystyqtan teńiz sýy temperatýrasynyń kóterilýi men aýyz sýdy tutyný kóleminiń kúrt artýy sebep bolǵan. Sondyqtan shaharda birinshi kezekte turǵyndarǵa aýyz sý jetkizý úshin, kólik jýý oryndarynyń jumysyna ýaqytsha shekteý engizildi. 

Aıta keteıik, Aqtaýlyqtar buǵan deıin de joldy japqan bolatyn.