Aqtaýda bir top jigit kóshede tapa-tal túste tóbeles shyǵardy

AQTAÝ. KAZINFORM — Oqıǵa 12 A shaǵyn aýdanynda turǵyndardyń kózinshe bolǵan.

Kýágerler tóbelesti beınejazbaǵa túsirip, taratyp jiberdi. Beınejazbada jerde jatqan adamdy eki birdeı jigit jabylyp uryp jatyr. Janjalǵa taǵy bir kisi aralasyp, tóbelesip jatqandardyń birin aıaǵymen teýip jiberedi.

Bul oqıǵaǵa qatysty Mańǵystaý oblystyq polıtsııa departamentiniń baspasóz qyzmeti pikir bildirdi. 

— Atalǵan oqıǵa boıynsha qylmystyq is qozǵaldy. Kúdiktiler ustalyp, qazirgi ýaqytta oqıǵanyń barlyq mán-jaıy anyqtalyp jatyr, — delingen habarlamada. 

Buǵan deıin Aqtaýda bir top jasóspirim 11-synyp oqýshysyna oq atyp, aýyr jaralaǵany týraly jazǵan bolatynbyz.

Aqtaýda jol kólik apatyna túsken oqýshylardyń biriniń jaǵdaıy turaqtaldy.