Aqtaýda bir mekteptiń birinshi synybyna 7 jup egiz qabyldandy
AQTAÝ. KAZINFORM — Jańa oqý jylynda Qartbaı Bekjanov atyndaǵy № 10 mekteptiń birinshi synyptaryna 7 egiz oqýshy qabyldandy. Onyń úsheýi qazaq synybyna, qalǵandary orys synyptaryna barǵan.
Aqtaý qalasynyń turǵyny Janna Hýsnadınova Adelııa men Danelııa esimdi egiz qyzdaryn 1 jyl boıy damý ortalyǵynda oqytyp, mektepke daıyndaǵan. Sondyqtan ol balalarynyń oqýdy tez meńgeretinine senimdi.
— Adelııa men Danelııa tatý, kóńildi qyzdar. Árqashan bir-birine kómektesip júredi. Danelııa pysyqtaý. Ekeýi de kópshil, tez til tabysady, — deıdi Janna Hýsnadınova.
Qartbaı Bekjanov atyndaǵy № 10 mektepte 2 myńnan astam oqýshy oqıdy. 0-11 synyptar arasynda 30 egiz oqýshy bar.
— Buryn bizdiń mektebimizde mundaı jaǵdaı bolmaǵan. Bıyl egiz oqýshy kóp. Birinshi synyptarǵa 7 birdeı jup egizdi qabyldap otyrmyz. Qazir mektepte 0-11 synyp aralyǵynda barlyǵy 30 egiz oqıdy. Olardyń qatarynda 10-synyp oqýshylary Beıbarys jáne Tamerlan Ahmetjanovtar bar. Beıbarys Ahmetjanov — mektepishilik parlamenttiń múshesi. Egiz oqýshylarymyz bilimge qushtar. Ustazdarymyz oqýshylarǵa sapaly bilim jáne tárbıe berý úshin tynbaı eńbek etýde, — deıdi Q.Bekjanov atyndaǵy № 10 mekteptiń dırektory Nazıra Aqberjanova.
Buǵan deıin Aqtaýǵa saıahatshy túrik otbasy kelgenin jazǵan bolatynbyz.
